#LlaisAwards | Llais Cymru

#LlaisAwards 2023

"Rwy'n angerddol am gefnogi, ysbrydoli a grymuso merched. Mae gwobrau Llais Cymru yn unigryw ac yn yn gyfle i ddathlu a chydnabod cyflawniadau anhygoel merched busnes ar draws Cymru."

Heulwen Davies

Cyfarwyddwr Llais Cymru.

DECHRAU ENWEBU

Croeso! Mae #LlaisAwards, sef Gwobrau Merched Cymru Mewn Busnes 2023 yn agored i unrhyw ferch sy'n rhedeg busnes yma yng Nghymru. Tydy maint ddim o bwys i ni! Gallwch chi fod yn fand un ferch neu'n sylfaenydd benywaidd cwmni enfawr. Efallai eich bod chi yn fusnes newydd neu efallai bod eich busnes wedi bod o gwmpas ers hanner canrif - rydych chi i gyd yr un mor anhygoel!

Eleni, mae gennym 13 categori i adlewyrchu'r amrywiaeth o fusnesau er mwyn bod mor deg a hygyrch â phosib. Does dim rhaid i chi enwebu merch ym mhob categori, ond dim ond un merch ym mhob categori y gallwch chi enwebu. Gallwch chi bleidleisio drosoch eich hun hefyd - pam lai? Rydych chi wedi gweithio'ch sanau i ffwrdd i gyrraedd yma, felly rydych chi'n haeddu'r enwebiad!

Bydd y cyfnod enwebu ar agor nes ddydd Mercher, 19eg o Ebrill am 17:00 GMT.

Mae’r rhestr fer yn seiliedig ar y nifer o enwebiadau bydd y ferch yn derbyn, dyna’r ffordd mwyaf teg yn ein barn ni. Bydd y rhestr fer, sef y ddwy uchaf ymhob categori yn cael eu cyhoeddi ym mis Mehefin.

Os bydd mwy na dwy yn dod i’r brig mewn categori, byddwn yn gwahodd y merched am gyfweliad ar-lein gyda phanel o arbenigwyr busnes annibynnol yn Mai, er mwyn penderfynnu ar y merched buddigol.

Trwy gefnogaeth gan Yr Egin, Caerfyrddin, bydd y noson wobrywo yn cael ei chynnal yn fyw, mewn person am y tro cyntaf eleni! Bydd Noson Wobrwyo #LlaisAwards 2023 yn cael ei chynnal ar nos Wener y 7fed o Orffennaf - mwy o fanylion yn fuan!

Hoffai Llais Cymru ddiolch i Banc Datblygu Cymru am fod yn brif noddwr y gwobrau eto eleni ac am y gefnogaeth barhaus i ferched busnes Cymru.

Eisiau noddi categori penodol? Cysylltwch gyda Heulwen i drafod y buddion drwy ebostio heulwen@llaiscymru.wales

Categorïau #LlaisAwards 2023 yw:

• Busnes Newydd (llai 'na 12 mis oed)

• Mam Mewn Busnes

• Busnes Gwyrdd (busnes sy'n hybu'r amgylchedd)

• Dan 25 oed

• Pencampwr Manwerthu

• Menter Gymdeithasol

• Bwyd a Diod

• Defnydd o'r Gymraeg

• Iechyd, Ffitrwydd a Lles

• Gwyddoniaeth, Technoleg ac Arloesedd